نن دوشنبه د سهار  ۸:۵۰ دقیقی یو ډیر پیاوړه  چاودنه د هیواد پلازمینی کابل په شپاړلسمه  ناحیه‌  پل محمودخان کی رامنځ ته  شوه . دکورنیو چارو وزارت اعلان وکړ چی لومړی یو موټر بم وچاودیده او بیا ځان وژنکی برید کونکی  صحنی ته ننوتل.

پدی منځ کی د شمشاد دخصوصی تلویزون ۷ تنه کارکونکی هم ټپیان شول . یوتن د شمشادتلویزون دخبر دبرخی دمسوولینو څخه درسنیو څار دفتر ته وویل ؛ غښتلی  چاودنه ددی لامل شو چی ترڅو د شمشاد تلویزون د دفترونو هنداری ماتی شی او شپږ تنه کارکونکی په سطحی دول ټپیان شی . یو تن خبریال ځان ددوهم منزل څخه غورځولی او دسر او سترګی له ناحیی څخه سخت ټپی شوی دی .

ناامنیو او ګواښونو ته په پاملرني سره چی رسنیو اوخبریالانو پر وړاندی زیاتوالی موندلی دی ، نی دافغانستان دآزادو رسنیو ملاتړ اداره یو ځل بیا ټینګار کوی چی حکومت باید درسنیو او خبریالانو دامنیت ساتل د خپل کار په لومړیتوبونو کی قرار ورکړی . د نی دفتر اجرایی رییس عبدالمجیب خلوتگر وایی : «په خواشینی سره چی موږ په ښه وضعیت قرار نه لرو. د رسنیو او خبریالانو پر وړاندی ګواښونه جدی شوی دی او رسنیو ته زیان رسیدل دبل هر وخت په پرتله ډیر شوی دي. نوځکه دزیانونو دټیټوالۍ په موخه اړتیا شته چی د ودانیو امنیتی مواردو باندی څیړنه وشی او همدارنګه حکومت باید درسنیو او خبریالانو امنیت ساتلو ته  د خپل کار په لومړیتوبونو کی ځای ورکړی.»

یوه اوني مخکی، طالبانو دچنګاښ په دریمه ، دیوی اعلامیی په صادرولو سره ټولو رسنیو  اخطارته  ورکړی کومی رسنی چی دطالبانو پر وړاندی اعلان نشروی هغوی یی په ویره ونکواو ترهګریز بریدنو ګواښلی دی .