دمینی منگل  کورنۍ دنی دازادو رسنیو دملاتړ اداری په راتګ سره ادعا کوی چی دمینی منګل د وژل کیدو وروسته هره ورځ د ناپیژاندو کساو له خوا ګواښل کیږی. د مینی منگل پلار دیوه رسمی لیک لیږدولو سره دنی درسنیو دڅار دفتر ته لیکلی دی  : «د مینه منگل وژونکي پدی هڅه کی دی چی زموږ دکورنی یو غړی برهمته کړی ترڅو موږ ابرا ورکولو ته اړ باسی.»

دمینه منگل کورني ادعا کوی چی دلور د وژنی لس ورځی وروسته ، د هغوی پرکور برید کړی او هغوی دکوراو دسیمی پریښودلو ته اړایستلی دی . او اوس یی هم کورنې د جدی ګواښونوسره مخ ده  .

دنی دفتر د حکومت څخه غواړی چی ددی کورنی ادعاوی وڅیړی او امنیت‌ یی تأمین کړی. دنی ددفتر رییس عبدالمجیب خلوتگر وایی : « داسی چی دمیرمن منگل کورنی ادعا کوی چی ورته ګواښ شوی دی،  دکورنیو چارو وزارت پولیس باید اطمینان ورکړی چی دهغوی  امنیت  به تأمین کړی؛ د هغه پرته به هر ډول،  کوم  ضرر چی دمیرمن منګل کورنی ته ورسیږی، د هغه مسوولیت  به د دولت په غاړه وی.»

ناپیژانده  وسله والو کسانو ، میرمن  منگل دولسی جرګی دکلتوری چارو دکمیسیون  صلاح کاره  دشنبی په سهار دغویی دمیاشتی پر ۲۱ د کابل ښار په اتمه ناحیه کی ور باندی ډزی وشوی . مینه منگل مخکی لدی چی د ولسی جرګی د کلتوری چارو دکمیسیون صلاحکاره شی، دشمشاد ، اریانا او لمرپه تلویزونونوپه  مختلفو پروګرامونو  کی کار کړی و.

د نی دفترمخکی لدی هم امنیتی، عدلی او قضایی څانګو څخه غوښتی و  ترڅودخپل  څیړنو وروسته دا پوښتنو ته ځواب ووایی چی ایا د مینی  منګل  دا دوسیه د رسنیز کار سره اړه لری که نه .